Esaki t’e siman cu hopi hende ta wardando riba dje, esta dia 27 di januari venidero cu Aruba Lions Club ta brinda pueblo di Aruba henter e oportunidad pa presencia un orador experto cu un amplio experiencia y exito riba e tereno di bista y diabetes. Aruba Lions Club ta sumamente orguyoso y contento di por contribui enormemente na salud publico di su hendenan y ta en curasha tur hende pa bin scucha Dr. Lucy Young. E ballroom di Marriott Hotel ta completamente prepara pa ricibi un y tur diabierna awor na e tremendo conferencia aki, cu ta priminti di bira uno exitoso y yena di conseho practico riba e tereno di bista y diabetes.
E evento ta cuminsa pa 8:00PM pa cual ta pidi tur interesado pa yega trempan, pa sigura cu bo tin bo luga den ballroom di Marriott Resort. Durante e charla lo por scucha tur loke e dokter aki tin pa comparti cu nos pueblo, cu tambe ta conoci pa tin un porcentahe halto den diabetes y obesidad. Dos factor cu sigur tin un influencia sumamente grandi riba perdida di bista.
Aruba Lions Club ta un club di servicio cu ta existi pa 64 aña caba na Aruba y ta bon conoci riba nos isla pa su forma activo di yuda cu proyectonan pa comunidad. Anualmente e club ta genera mas o menos 1 miyon florin cu ta bay bek den comunidad a traves di un lista largo di organisacion y instancianan den necesidad.
No comments:
Post a Comment