MAS DESAROYO DI ARUBA SU CARNAVAL 58

E dos bandanan cu a inscribi pa Calypso Y Roadmarch a bay di acuerdo cu proposicion di SAC pa habri e inscripcionnan pa competencia bek. Esaki a keda anuncia diadomingo anochi lat den un rueda di prensa extraordinario. E proposicion a bay pa mediador di Gobierno diadomingo anochi. Den e proposicion ta stipula dialuna 30 di januari como fecha di inscripcion y 4 di februari lo tene e competencia. Diadomingo den careda di 11 or di anochi John John Flemming voluntario di SAC den nan nomber a entrega e proposicion di SAC na mediador di gobierno. Señor Anselmo Pontilius a ricibi e proposicion na su cas. E proposicion lo ser discuti dialuna mainta cu Musiconan Uni y Gobierno.