Durante e siman cu a pasa e conocido autor Hulandes Sjoerd Kuyper tabata di vacacion na Aruba

Durante e siman cu a pasa e conocido autor Hulandes Sjoerd Kuyper tabata di vacacion na Aruba. El a haci uzo di e oportunidad aki  pa a traha cu e conocido autornan Liliana Braamskamp y Roy Colastica, kendenan lo publica bukinan nobo pronto.Durante un encuentro cu Des Croes y Alice van Romondt di editorial Charuba y cu Olivia Figaroa di Biblioteca Nacional, a elabora tocante futuro plan pa haci uzo di e experticio di Sjoerd Kuyper pa duna coaching na nos autornan di Aruba. A yama Sjoerd  y  esposa artista Margje Kuyper danki cu durante nan vacacion a sa di sigui traha cu e 2 autornan menciona. Sjoerd Kuyper a yega di bishita Aruba varios biaha caba, y aña pasa  el a keda 1 luna riba nos isla. Sjoerd ta conoci pa su bukinan pa hoben, pelicula y musicals. E ta skirbi poesia pa adulto tambe. El a gana varios premio literario prestigioso na Hulanda y pa script writing di e pelicula “Turks Fruit” di Jan Wolkers el a hasta gana un Grammy Award.
Aruba y Charuba tin un bon coach y amigo den e pareha Sjoerd y Margje Kuyper.