Good4TheNeighborhood Upgrade Bo Bario Di Aruba Bank & Serlimar tabata un Exito Total durante full weekend

26 november 2012 7 Scol, 7 Bario, 7 Area Recreacional y un multitud di bisiñanan motiva pa Upgrade nan Bario! Durante e fin di siman di Good4TheNeighborhood 'Upgrade bo Bario',  pueblo completo di Aruba a duna sosten masal na e accion di limpieza den e 7 barionan como tambe na e 7 area recreacional cu a wordo drecha. Un comunidad completo a bini hunto y demostra nan responsabilidad social y alabes contribui cu e desaroyo di nos hobennan unda cu a keda realmente demostra cu union ta haci forsa y sigur por logra loke propone.Good4TheNeighborhood ta den su di 3 aña consecutivo y mester elogia e entusiasmo y dinamismo di nos hobennan. Un bunita proyecto unda cu nos hobennan ta haya e gran oportunidad di desaroya varios habilidad social y profesional, preparando, organisando y ehecutando un proyecto pa nan comunidad.E energia cu e hobennan, docentenan y e hendenan di bario a ilustra por a sinti’e den tur skina y sigur tabata contagioso.Aruba Bank y specialmente su team dinamico di Good4TheNeighborhood ta gradici primeramente tur e scolnan, e alumnonan y e docentenan cu a kere y participa un biaha mas na e proyecto aki. Nan ta esunnan cu ta haci e grandioso proyecto aki un realidad.Un Danki Special ta bay na henter e ekipo y gerencia di Serlimar, cu a haci un tremendo trabou den e barionan di Good4TheNeighborhood durante weekend.Tambe un danki y pabien ta bay na henter comunidad di Aruba cu a apoya nos hobennan y contribui enormemente na e proyecto di Upgrade bo Bario. Keda pendiente pa e detayenan di e evento final di Good4TheNeighborhood Upgrade bo Bario 2012!