SPLENDA,ANCHOR Y MANRIQUE CAPRILES TA TRECE E FINAL DI THE NEXT CHEF COMPETITION

Despues di 3 siman exitoso di e programa The Next Chef Competition awo ta yega su parti final pa e temporada aki. Esaki lo tuma luga diamars awo pa 10:10 di anochi durante e programa di Tabitha's TV Show riba Telearuba, canal 13, 23 y 313.
Cada siman e chef nan participando mester a mustra nan expertisio den cushina trahando diferente plato di aperitivo y dessert. Pa e anochi final e chef nan mester scoge un plato principal cu ta cuadra cu nan tema di anochi. Esaki lo consisti di lo siguiente:
• Dane Berkel cu su plato Fish Creole
• Josmar Kock cu su plato Fish Beurre Blanc
• Jean-Claude Werleman cu su plato Chicken Saltin Bocca
• Yesman Amaya cu su plato Sweet Chicken
• Derrick Bislick cu su plato Seafood Trio
Tur plato mester conten'e productonan Splenda y Anchor, cu ta e patrocinadornan principal di The Next Chef Competition.

Splenda, un "sweetener" deriva di sucu, ta wordo uza como un substituto di sucu. E no ta solamente pa pacient diabetico pero tambe pa esun cu kier tene peso controla, ya cu Splenda tin cero caloria.

E compania Vibration PR Company lo duna un premio na e chef cu a destaca mas cu su tema di anochi. E premio lo ensera atende y dirigi un evento cu Vibration PR Company ta organiza.

E anochi aki lo ta uno hopi exitante, tanto pa e chef nan participando como tur otro cu a yuda den organiza e programa, manera juffrouw nan di EPI Vanessa Loefstop y Zahaira Kelly cu a ofrece e cushina di e scol pa e competencia. Sin duda algun hopi lo ta cu nervio pero tambe exita pa por logra e meta final cu ta pa bira e Next Chef.

LOS TRANSFORMERZ NEW CLIP

HAYA SA CON SPAAR AWA CU WEB NV

MONEY IN THE BANK...WWE PAY PER VIEW DI SETAR

YAMA 5251700 AWO Y APLICA PA BO TIN BO PAY PER VIEW PA DIADUMINGO AWO

Talentoso Arubiano Hendrick Burgers sobre sali durante Aruba Hi-Winds 2012

Manera ja por a lesa siman pasa caba Hendrick Burgers ta un hoben Arubiano practicante di kite surfing cu e anja aki un bes mas a competi den Aruba Hi-Winds,
Hendrick a cuminsa kite surf cinco anja pasa na Republica Dominicana y practicamente for di e tempo ey ela enamora cu e deporte aki. Su amor pa kite surf ta asina grandi cu tur dia e ta train y ta den awa 2 ora minimo.
Siman pasa durante Aruba hi-Winds 2012 un baha mas Hendrick a but un stempel y a reconvirma cu e ta taleto cu pronto hopi hende lo sa mas di dje.
Despues cu e prome dia a wordo cancel paso no tabata tin biento, Hendrick a Sali duro e ultimo dia nan di Aruba Hi-Winds. Aki e mester a lucha contra competidornan di nivel mundial di entre otro Venezuela y Bonairo.
E competencia tabata un sumamente preta pero asina aki mes Hendrick a logra sobre sali cu un di cuater puesto den categoria free style profesional y un tercer puesto den long distance profesional.
Hendrick Burgers ta un talento cu Aruba lo bai tende hopi mas di dje den futuro. Pa sa mas di nos talento Arubiano aki por subi Www.hb-kiteboarding.webss.com.

AKI tres luna NA DREMPEL DI FIN DI ANJA ta start Sali cu hopi forsa y ambiente dushi...

Awe ta 12 di July 2012  tira un bista den bo agenda y lo bo nota cu exactamente aki tres luna ta 12 di October fecha cu ta marca otro inicio di e bunita temporada di fin di Anja cu e programa di fin di Anja , esta Na Drempel di Fin di Anja , cu e Aruba su Broadcasting Queen Erin Croes.

Na Drempel di fin di anja, lo ta un biaha mas envivo for di South Beach Centre na unda e studionan principal di MAGIC Fm ta ubica.

Ya caba e crew di Na Drempel di Fin di anja, a cuminsa sinta hunto y cuminsa cu  brainstorming pa loke ta ideanan nobo pa e programa cu ta acapara atencion di grandi y chiquito !  Manera semper lo por spera bunita sorpresanan un biaha mas pa entretene e famia arubiano. Awor tambe lo ta haci hopi uso di e social media cu ta FACEBOOK pa informa tur e fans di e programa kiko tur lo sosode. Di awor caba por bay riba e Fan Page aki y LIKE e pa bo por cuminsa prepara.

Manera semper cu seccionan interesante manera y nobo manera Arubanita, Pasco di ayera,  tur combina cu e musica nobo y di antes di fin di anja y sin lubida e Paseo Magico Navidenjo cu lo entrega basketnan yena cu productonan na famianan akin a Aruba. E anja aki lo concentra tambe riba nos oyentenan cu ta biba den exterior pero cu ta skucha MAGIC FM y NA DREMPEL..tambe nos lo introduci un seccion nobo cu yama Amor den pasco ...

Ya caba e team dinamico yena di entusiasmo di Na Drempel di Fin di Anja ta preparando un sublime programacion atrobe. Esaki pa mantene e tradicion di tur fin di aña y brinda e famia completo den e ambiente di Fin di Anja

Keda pendiente Magic Fm lo sigui informa su oyentenan di e desaroyo di Na Drempel di Fin di Anja 2012  

Haya Sa Mas Con Splenda Ta Beneficia Bo Den Bo Bida Diario

Manrique Capriles, distribuidor di Splenda® aki na Aruba, ta informa un poco mas di e producto aki. Splenda awendia ta conoci mundialmente pa su sweetener. E ta un producto cu ya pa algun aña ta riba mercado y gusta door di hopi hende. E investigacion pa un producto nobo a cuminsa desde cu e descubrimento di surcalose a ser haci. Y finalmente na anja 1998, Splenda® a wordo aproba door di FDA (Food and Drug Association). E ta un sweetener artificial deriva di sucu.

Un di e beneficionan di Splenda® ta cu aunke e tin e mesun smaak cu y ta deriva di sucu, e ta completamente diferente. Contrario di sucu, na momento cu Splenda® yega na bo stoma, e no ta digeri den bo curpa pa energia, cu ta nifica caloria. Splenda® ta un producto cu ta completamente liber di caloria. Pa e motibo aki Splenda ta un producto no solamente ideal pa pacient diabetico pero tambe pa bo mesun curpa. Si bo kier baha un tiki peso of tin mas control riba e caloria diario, Splenda® ta asisti den esaki.

 Algun di e productonan cu Splenda tin cu sigur lo por yuda na baha of mantene e peso ideal ta:

-          Splenda Sugar Blend, specialmente pa horna por ehempel bolo

-          Splenda Brown Sugar Blend, ideal pa traha chocolate chip cookies

Y asina tin mas producto di Splenda cu ta facilita tur cu ta desea di hiba un bida mas saludabel.

E productonan di Splenda ta obtenibel na tur supermercado na Aruba. Pa mas informacion di e diferente productonan di Splenda y tips na con pa aplica Splenda den bo bida diario por bishita e pagina www.splenda.com.