Trabounan intensivo a cuminsa pa cu MAGNO CONCIERTO DI GENTLEMAN DIASABRA AWOR RIBA SURFSIDE BEACH

For di diaranson mainta trempan trabounan a cuminsa pa asina prepara e tereno unda cu diasabra anochi e artista di reggae internacional Gentleman lo hasi su presentacion na Aruba. Ta trata aki di e Surfside Beach Square Garden. Aruba ta bibando den un entusiasmo imenso pa cu e evento aki. Un caliber hopi halto di musica y espectaculo ta loke Aruba lo por spera di Gentleman y su banda Evolution for di Alemania. Awenochi e banda ta den concierto na Venezuela y lo bula diasabra mainta pa Aruba cu Insel Air. Di parti di promotornan por compronde cu e pre-benta ta bayendo hopi liher y ta recomenda tur hende pa cumpra nan caarchi adelanta debi cu na porta e prijs lo ta un tiki mas halto. E ticketnan ta obtenibel na MIO Cayena Mall, CD's & More, Valero Palm Beach, Dragon CD & Electronics y Black Sheep pa solamente 50 florin. Riba e fotonan por mira Elite Productions laborando oranan largo pa asina prepara escenario. Fast Cargo tambe por a wordo mira riba e tereno pa asina sera e tereno cu container.
E anochi aki nos bandanan local manera Honeypot, Time Banditsz y Mystical Connection lo hasi un tremendo espectaculo. Portanan ta habri pa 7 or di anochi y e prome banda local lo cuminsa pa 8 or di anochi. Insel Air, Marley's Mellow Mood Drink, Aruba Trading Company, Presidente, MIO, Jean's Towing, Elite Productions, 24ora.com, Marky Bee's ta invita Aruba completo pa e prome concierto di aña 2012.