EX FIGURA DI FUTBOL HULANDES EDGAR DAVIDS TA NA ARUBA

Lo bay ta den un tayer dirigiendo su mes na hobennan di Aruba. Edgar Davids ta hopi contento di ta na Aruba un biaha mas, esaki el a expresa ayera tardi laat na su yegada procedente di Hulanda.

E ex futbolista ta un di e invitadonan di Happy Community Conference y lo bay ta dunando un tayer na hobennan mañan na YMCA San Nicolas den oranan di atardi. Mi ta sintimi sumamente honra di ta entre oradornan grandi cu ta participando na e conferencia aki, tabata e prome comentario oficial cu e figura grandi di futbol Hulandes a duna na prensa den sala VIP di aeropuerto.