Magic Fm E Radio Oficial Di EURO 2012

Diasabra awor, cu prijsnan special riba auto Volkswagen Autobahn Summer Car Show 2012 lo tuma lugar na GTi Aruba

GTi Aruba, e cas di Volkswagen na nos isla, lo habri diasabra awor specialmente den ocasion di e Autobahn Summer Car Show. Pa e dia aki, lo tin prijsnan special riba tur autonan Volkswagen, marca cual a ser introduci un biaha mas na nos isla danki na GTi Aruba. Volkswagen ta un di e tres fabricantenan di auto mas grandi na mundo, y e mas popular na Europa. Awor Aruba por tambe disfruta di un generacion nobo di autonan di e marca aki. Stock a ofrece un variedad grandi di opcionnan, for di e Voyage, un auto sedan super economico, of e popular pickup Amarok, te cu e Volkswagen Jetta cual a ser declara dor di Motor Trend Car of the Year 2012. Tambe tin autonan SUV, y naturalmente e autonan compact cual ta emblematico di e marca aki.

Un auto cual ta den exhibicion ta e emblematico “Golf GTi”. Esaki ta un version di e Volkswagen Polo tradicional cu un nivel di potencia y maneho superior, y cual badge sigur ta ser reconoci pa calidad y capacidad di maneho superior. Ta e atributonasn aki locual a guia e decision di duna e car dealer oficial di Volkswagen na Aruba e nomber cu orguyosamente tin awendia. Pa e evenemento aki lo tin banco presente den nos showroom, y lo tin un ambiente agradabel cu musica, snacks y bebida. Ademas pa esnan cu firma pa un auto nobo lo tin, den marco di celebracion di e Euro 2012, un Kit special yama GTi Aruba Goes Dutch, consistente di un caha di Heineken, Tshirtnan oranje y GTi caps, pa drenta mas facil den e ambiente di e FIFA Euro Cup 2012. GTi Aruba ta extende asina un invitacion cordial pa diasabra awor na GTi Aruba, ubica net dilanti di Garage Centraal Aruba, pa asina probecha di e prijsnan special den autronan Volkswagen, y asina por logra yega na un di e prestigioso autonan aki.

Johnsons® hunto cu Manrique Capriles presentando Baby Book Aruba na Johnsons® Baby Family Day

Pueblo di Aruba por pasa diadomingo awor, 3 di juni 2012, for di 1 or di merdia te cu 5 or di atardi na S.V. Britannia na Piedra Plat y disfruta di un Family Day cu ta wordo organiza door di Johnsons® Baby conhuntamente cu Manrique Capriles. Riba e dia aki lo tin diferente actividad pero un di e enfasis di mas grandi lo ta e introduccion di Baby Book Aruba patrosina door di Johnsons Baby. Esaki ta un buki completamente diferente y original, traha na Papiamento y cu diferente ilustracion di Aruba. Ariba e dia aki, lo por ricibi un Baby Book Aruba cu cada compra di un of mas di e productonan di Johnsons® y asina pone tur informacion di bo baby aden pa keda cu un bunita recuerdo di su infancia.

Tambe durante e dia aki lo tin un competencia pa un photoshoot profesional pa Johnsons® su baby di mas cute pa 2013. Baby di 0 pa 2 aña di edad por participa, cu cada compra cu wordo haci di un of mas di e productonan di Johnsons®. Lo tin oportunidad pa e promer 100 babynan.

 Lo tin diferente wega hunto cu Party Animals y tambe lo tin Dino Jump. Cushina y bar lo ta bon surti. Presente tambe lo tey Wit Gele Kruis, Fundacion Pro Lechi Mama y Arawak Mums. Y sin laga afor Magic FM cu lo transimiti en bibo e evento grandioso aki. Pueblo di Aruba ta keda cordialmente invita pa asina disfruta di un dia alegre y alabes informativo. Pa mas informacion por tuma contacto cu Manrique Capriles na 583-4036.